ରଣ୍ଢାରେ ଭୟଙ୍କର ସଡ଼କ ଦୁର୍ଘଟଣା, ଟ୍ରକ ଧକ୍କାରେ ଦମ୍ପତିଙ୍କ ମୃତ୍ୟୁ
ବ୍ରହ୍ମପୁର ନିକଟସ୍ଥ ରଣ୍ଢା ଜାତୀୟ ରାଜପଥ*ରେ ଆଜି ସକାଳେ ଘଟିଛି ଏକ ହୃଦୟବିଦାରକ ଦୁର୍ଘଟଣା। *ଟ୍ରକ ଧକ୍କାରେ ଜଣେ ଦମ୍ପତିଙ୍କ ମୃତ୍ୟୁ ଘଟିଥିବା ବେଳେ ଏହା ପରେ ଅଞ୍ଚଳରେ ଉତ୍ତେଜନା ଦେଖା ଦେଇଛି।
କ’ଣ ଘଟିଲା
ଗୋଳନ୍ଥରା ଥାନା ଅଧିନସ୍ଥ ରଣ୍ଢା ସାହି*ର *ହରିଶ୍ଚନ୍ଦ୍ର ଦାସ ଓ ତାଙ୍କ ସ୍ତ୍ରୀ ପରି ଦାସ ବୁଧବାର ସକାଳେ ଡାକ୍ତରଖାନାକୁ ଯିବା ପାଇଁ 16 ନମ୍ବର ଜାତୀୟ ରାଜପଥ ପାର ହେଉଥିଲେ।
ସେହି ସମୟରେ ପ୍ରଥମେ ଏକ କାର ଓ ପରେ ଏକ ଟ୍ରକ ସେମାନଙ୍କୁ ଧକ୍କା ଦେଇଥିଲା। ଘଟଣା ସ୍ଥଳରେ ହିଁ ସ୍ୱାମୀ-ସ୍ତ୍ରୀ ଉଭୟଙ୍କ ମୃତ୍ୟୁ ହୋଇଯାଇଥିଲା।
ଉତ୍ତେଜନା, ଜାତୀୟ ରାଜପଥ ଅବରୋଧ
ଏହି ଦୁର୍ଘଟଣା ପରେ ଅଞ୍ଚଳବାସୀ ଉତ୍ତେଜିତ ହୋଇ ରାସ୍ତାକୁ ଓହ୍ଲାଇଥିଲେ। କ୍ଷତି ପୂରଣ ଓଭରବ୍ରିଜ ନିର୍ମାଣ ଦାବି*ରେ ସ୍ଥାନୀୟ ଲୋକେ *ଟାୟାର ଜାଳି ଜାତୀୟ ରାଜପଥକୁ ଅବରୋଧ କରିଥିଲେ।
ଖବର ପାଇ ଗୋଳନ୍ଥରା ପୋଲିସ ଓ ଅନ୍ୟ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପୋଲିସ ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ସ୍ୱାଭାବିକ ହୋଇଛି।
ବାରମ୍ବାର ଏପରି ଦୁର୍ଘଟଣା ଘଟୁଥିବାରୁ ରଣ୍ଢା ଅଞ୍ଚଳରେ ଓଭରବ୍ରିଜ ନିର୍ମାଣ ପାଇଁ ଲୋକେ ଦୀର୍ଘ ଦିନ ଧରି ଦାବି କରିଆସୁଛନ୍ତି।
